കോമണ്വെല്ത്ത് ഗെയിംസിന്റെ ഏഴാം ദിനത്തില് വനിതകളുടെ 3000 മീറ്റര് സ്റ്റീപ്പിള്ചേസില് ഇന്ത്യക്ക് നിരാശ. മെഡല് പ്രതീക്ഷയായിരുന്ന പാരുള് ചൗധരി അഞ്ചാം സ്ഥാനത്ത് ഫിനിഷ് ചെയ്തു. കെനിയയുടെ ഫെയ്ത്ത് ചെറോട്ടിച്ച് ഗെയിംസ് റെക്കോര്ഡോടെ സ്വര്ണം നേടിയ മത്സരത്തിലാണ് പാരുളിന് മെഡല് നഷ്ടമായത്.
മത്സരത്തിന്റെ തുടക്കത്തില് മുന്നിലുണ്ടായിരുന്ന ദേശീയ റെക്കോര്ഡ് ഉടമയായ പാരുളിന് അവസാന ഘട്ടത്തില് മുന്നിരക്കാരുമായുള്ള വേഗത നിലനിര്ത്താനായില്ല. വിജയിയേക്കാള് 25 സെക്കന്ഡ് പിന്നിലായാണ് പാരുള് ഫിനിഷിങ് ലൈന് കടന്നത്. ഇംഗ്ലണ്ടിന്റെ എലിസ് തോര്ണര് വെള്ളിമെഡല് നേടി. ചെര്മോട്ടിച്ച് വെങ്കലം നേടി.
ലോണ് ബോള്സ് വനിതാ സിംഗിള്സില്, ഗ്രൂപ്പ് ഘട്ടത്തിലെ ആദ്യ തോല്വിക്ക് ശേഷം ഐല് ഓഫ് മാന്റെ കരോലിന് വൈറ്റ്ഹെഡിനെ 2-0 ന് പരാജയപ്പെടുത്തി ഇന്ത്യയുടെ നയന്മോണി സൈകിയ തിരിച്ചുവരവ് നടത്തി. ആദ്യ സെറ്റ് സ്വന്തമാക്കിയ സൈകിയ, രണ്ടാം സെറ്റില് പിന്നിലായെങ്കിലും അവസാന ഘട്ടത്തില് ശക്തമായി തിരിച്ചെത്തി 7-4 എന്ന സ്കോറിന് സെറ്റും മത്സരവും സ്വന്തമാക്കിയാണ് സെമിഫൈനല് പ്രതീക്ഷകള് നിലനിര്ത്തിയത്. പാരാ അത്ലറ്റിക്സില്, പുരുഷന്മാരുടെ ഡിസ്കസ് ത്രോ F42-44/F61-64 ഫൈനലില് സാഗര് തയാത്, ദേവേന്ദര് കുമാര് എന്നിവര് യഥാക്രമം ആറും ഏഴും സ്ഥാനങ്ങളില് ഫിനിഷ് ചെയ്തു. സാഗര് ഈ സീസണിലെ തന്റെ മികച്ച പ്രകടനമായ 51.79 മീറ്റര് എറിഞ്ഞ് ആറാം സ്ഥാനത്തെത്തിയപ്പോള്, ദേവേന്ദറിന്റെ മികച്ച ശ്രമം 48.20 മീറ്ററായിരുന്നു.
ഇതുവരെ ഇന്ത്യക്കായി മെഡല് നേടിയവര്
content highlights: Commonwealth Games: Disappointment for Parul Chaudhary; Finishes 5th in 3000m Steeplechase